ရေးသားသူ : Anonymous Saturday, May 13, 2017


စမတ်ဖုန်းကို လုံခြုံရေး ကင်မရာလိုမျိုး အသုံးပြုနိုင်ပါတယ်။ ဒီနည်းကို Android နဲ့ iOS ဖုန်းနှစ်မျိုးလုံးမှာသုံးနိုင်ပါတယ်။ ခုတော့ Android ကိုသုံးပြီး ပြုလုပ်ပုံကို ဖော်ပြပေးသွားပါမယ်။ ဒီစနစ်ကို သုံးဖို့အတွက် ဖုန်းတွေမှာ အွန်လိုင်းချိတ်ဆက် ထားဖို့လိုမှာ ဖြစ်ပါတယ်။

IP Webcam လိုသုံးနိုင်တဲ့ Android app တွေများစွာရှိပါ တယ်။ အဲဒီထဲကမှ AtHome Video Streamer နဲ့ Camera App ကို အသုံးပြုသွားမှာ ဖြစ်ပါတယ်။ app တွေကို Goole PlayStore ကနေ အခမဲ့ရယူနိုင်သလို အခု ဖော်ပြပေးထားတဲ့ Link တွေကနေလည်း ရယူလို့ရပါတယ်။ AtHome Video Streamer ကို    ( https://apkpure.com/stor/apps/details?id=com.ichano.athome.avs ) ၊ AtHome Camera ကို ( https://apkpure.com/athome-camera-home-security/com.ichano.athome.camera ) ကနေလည်း ယူလို့ရပါတယ်။

လုံခြုံရေးကင်မရာအနေနဲ့ သုံးမယ့်ဖုန်းထဲမှာ AtHome Video Streamer app ကို Install လုပ်ပါ။ ရိုက်ကူးသမျှကို ကြည့်ဖို့အတွက် ကြည့်မယ့်ဖုန်းထဲ မှာ AtHome Camera app ကို Install လုပ်ထားပါ။

Install လုပ်ပြီးရင်တော့ ဖုန်းရဲ့ Screen ပေါ်မှာ ခုလို icon ပေါ်လာမှာဖြစ်ပြီး တစ်ချက်နှိပ် ဖွင့်လိုက်ပါ။


Start now ကိုနှိပ်လိုက်ပါ။ အောက်ဖော်ပြပါ ပုံအတိုင်းပေါ်လာမှာ ဖြစ်ပါတယ်။  Live ကင်မရာစနစ် ပွင့်လာမှာဖြစ်ပြီး ညာဘက်မှာပေါ်လာတဲ့ အကွက်ထဲက CID code, user -name, password စတာတွေကတော့ ပြန်ကြည့်တဲ့ဖုန်းမှာ ထည့် သွင်းပေးဖို့ လိုအပ်မယ့်အချက် ဖြစ်ပါတယ်။

username, password, CID နံပါတ်တွေကို မှတ်ထားပြီးသုံးနိုင်သလို ကိုယ်ပိုင် password, username တွေကို ကိုယ်တိုင်အသစ် ပြန်လုပ်လည်း ရပါတယ်။ ဘယ်ဘက်ထောင့် အပေါ်နားက Menu ကိုနှိပ်ပါ။ အောက်ကပုံအတိုင်း ပေါ်လာမှာဖြစ်ပြီး username, pass-word တွေကို မိမိစိတ်ကြိုက် ပြောင်းလိုက်ပါ။ ပြီးရင်တော့ Change ကိုနှိပ်လိုက်ပါ။



ပြီးရင်တော့ CID နံပါတ်ကို ချမှတ်ထားလိုက်ပါ။ တခြားဖုန်းက ပြန်ကြည့်ဖို့ အတွက် လိုအပ် CID နံပါတ် လိုအပ်မှာဖြစ်ပါတယ်။
လုံခြုံရေး ကင်မရာအနေနဲ့ သုံးမယ့်နေရာမှာ ဖုန်းကိုသေချာ နေရာချလိုက်ပါ။

ဒါဆိုရင်တော့ ကင်မရာအနေ နဲ့ အသုံးဖို့အတွက် ပြင်ဆင်မှုပြီးပါပြီ။ ဆက်ပြီးတော့ ကင်မရာကို စောင့်ကြည့်မယ့် ဖုန်းထဲက AtHome Camera app ကို ဖွင့် လိုက်ပါ။

အောက်ဖော်ပြပါ ပုံအတိုင်းပွင့်လာမှာဖြစ်ပြီး ဖုန်းနှစ်လုံးချိတ် ဆက်ဖို့အတွက် Add by CID ဆို တဲ့စာသားကို တစ်ချက်နှိပ်လိုက်ပါ။ ပေါ်လာတဲ့ menu ထဲမှာ မှတ်ထားတဲ့ CID နံပါတ်နဲ့ Username, password တွေကို မှန်ကန်စွာ ထည့်သွင်းပေးပါ။ ပြီး ရင်တော့ Save ကို နှိပ်လိုက်ပါ။ ဒါဆိုရင်တော့ လုံခြုံရေးကင်မရာ အနေနဲ့သုံးထားတဲ့ ဖုန်းကရိုက်ကူးသမျှကို ကိုယ့်ဖုန်းကနေ ကြည့်​ရှုနိုင်ပြီဖြစ်ပါတယ်။ နေရာနှစ်နေရာ သုံးနေရာမှာ သုံးထားမယ် ဆိုရင်တော့ လုံခြုံရေး ကင်မရာအနေနဲ့ သုံးတဲ့ ဖုန်းက CID code, username, password မှန်သမျှကို ပြန်ကြည့်တဲ့ ဖုန်းထဲမှာ တစ်လုံးစီအလိုက် ထည့်ပေးရမှာ ဖြစ်ပါတယ်။


ပြီးရင်တော့ Back ခလုတ်ကိုနှိပ်ပြီး ထွက်လိုက်ပါ။ ဖုန်းနဲ့ ကြည့်ဖို့အတွက် ချိတ်ဆက်ထားတဲ့ ကင်မရာကို တွေ့ရမှာဖြစ်ပါတယ်။ တစ်လုံး
ထက်မက သုံးထားတယ် ဆိုရင်တော့ ၁ ၊ ၂ ၊ ၃ ဆိုပြီးပေါ်နေမှာဖြစ်ပါတယ်။ Live ကြည့်ဖို့အတွက် ကိုယ်ကြည့်ချင်တဲ့ ကင်မရာကို ရွေးချယ်ပေးလိုက်ပါ။ ဒါဆိုရင်တော့ လုံခြုံရေးကင်မရာအဖြစ် ထားထားတဲ့ ဖုန်းရဲ့နေရာက လှုပ်ရှားမှုတွေကို ကြည့်ရှုနိုင်ပြီပဲ ဖြစ်ပါတယ်။


Thank You !

ရောင်ပြန်လေး(နည်းပညာ)

www.yplitshare.org







Leave a Reply

အဆင်မပြေတာများ ၊ လိုချင်တာများရှိရင်မှာခဲ့ပါ။

ကျွန်တော့်ရဲ့ရေးဖော်ရေးဖက်များ

Yaung Pyan Lay (ရောင်ပြန်လေး နည်းပညာ)
ဂျူးကလေး(ရောင်ပြန်လေး စာပေ)
Mr Yaung Pyan (Golden Myanmar)
ကိုမြတ် ( MICT Garden)
ငွေဇင်မိုး (ငွေဇင်မိုး မုံရွာ)
Aung Ko Latt (Aung Ko Latt စွယ်စုံ)
Maung Pauk (မောင်ပေါက်နည်းပညာ)
CKKH(နည်းပညာ)

Subscribe to Posts | Subscribe to Comments

@Copy Right 2016 / Designe By ရောင်ပြန်လေး(နည်းပညာ) / Power By Yaung Pyan Lay

- Copyright © ​ရောင်​ပြန်​​လေး - Hatsune Miku - Powered by Blogger - Designed by Johanes Djogan -